१४ जिल्लाका खेलकुदमा सहभागी नहुने अपिल !

Avatar
admin

२०७८ बैशाख २ गते, बिहीबार १९:१६ मा प्रकाशित

यो र अर्को सातामा काठमाडौंमा ठूला दुई प्रतियोगिता सुरु हुने क्रममा रहँदा स्वास्थ्य मन्त्रालयले भने त्यस्ता भीड हुन ठाँउमा सहभागी नहुन बिहीबार अपिल गरेको छ । शनिबारबाट कीर्तिपुरस्थित त्रिवि मैदानमा नेपाल, नेदरल्यान्ड्स र मलेसियाबीच त्रिकोणात्मक टि ट्वान्टी अन्तर्राष्ट्रिय हुँदैछ । त्यसका लागि विदेशी २ टोली नेपाल आइसकेका छन् । त्यस्तै वैशाख ११ गते देखि दशरथ रंगशालामा ७ टोलीको सहभागितामा फ्रेन्चाई लिग खुकुरी नेपाल सुपर लिग सुरु हुँदैछ ।

खेलकुद प्रतियोगिता आयोजनाका लागि भने सरकारले रोक लगाएको छैन । नेपाल सरकार सचिवस्तरको निर्णयअनुसार गरिएको अपिलमा भनिएको छ स्वास्थ्य तथा जनसंख्या मन्त्रालयले अति प्रभावित भनी वर्गीकरण गरेका जिल्लामा काठमाडौं, ललितपुर, भक्तपुर, कास्की, रुपन्देही, चितवन, बाँके, पर्सा, कैलाली, मोरङ, दाङ, सुर्खेत, बारा र बागलुङ छन् ।

यी १४ जिल्लामा बढी भीडभाड हुने सबै क्षेत्र तथा सेवा अनिलम्ब बन्द गर्नुपर्ने अवस्था भएपनि विद्यालय, रात्री व्यवसायहरु, सात बजेपछि सबै रेष्टुरेन्ट तथा क्लबहरु, खेलकुद, जीम, सार्वजनिक पुजाआजा तथा जात्राहरु, सभा, सम्मेलन, बैठक तथा भेलाहरु, सिनेमा हल, सपिङ मल, नाचघर, पार्टी प्यालेस, हेल्थ क्लब, स्विमिङ पुल, आदी स्थलहरुमा सहभागि नभई दिन हुन भन्दै मन्त्रालयले अपिल गरेको छ । सार्थ जनस्वास्थयका मापदण्डहरु कडाईका साथ पालना गर्नका लागि पनि भूमिका निर्वाह गर्न मन्त्रालयले आग्रह गरेको छ ।