लाइन जज अर्याल जापान प्रस्थान

Avatar
admin

२०७८ भाद्र १२ गते, शनिबार २०:५० मा प्रकाशित

उनलाई शनिबार नेपाल ओलम्पिक कमिटि (एनओसी) का अध्यक्ष जीवनराम श्रेष्ठ, राष्ट्रिय खेलकुद परिषद (राखेप) का सदस्य तथा नेपाल ब्याडमिन्टन संघका उपाध्यक्ष सुभास श्रेष्ठलगायतले यात्रा सफलताको शुभकामनासहित विदाई गरे ।

पारालिम्पिकमा पारा ब्याडमिन्टन पहिलोपटक समावेश गरिएको विधा हो । त्यसमा सहभागी हुने अर्याल पहिलो नेपाली बिडब्लुएफ लाइन जज हुनेछ । पारालिम्पिक औपचारिक रुपमा सुरुवात भएपनि पारालिम्पिक ब्याडमिन्टन १ देखि ५ सेप्टेम्वरसम्म सञ्चालन हुनेछ । ओलम्पिकमा लाईन जजको भूमिका निर्वाह गर्ने अर्याल दोश्रो निर्णायक हुन् ।

यसअघि रियो ओलम्पिकमा ब्याडमिन्टन एशियाका अम्पायर दीपक थापाले लाईन जजको भूमिका निर्वाह गरि सकेका छन् । अर्यालले यस अघि पोल्याण्डको क्याटोविचमा सन् २०१९ मा आयोजना भएको बिश्व सिनियर ब्याडमिन्टन च्याम्पियनसिप र हङकङमा अप्रिल सन् २०१९ मा आयोजना भएको ब्याडमिन्टन एशिया मिक्स टिम च्याम्पियनसिपमा पनि निर्णायकको भूमिका निर्वाह गरि सकेका छन् ।