हनुमानढोका दरबार क्षेत्रमा रहेको कुमारी घर, गद्दी बैठक, मठमन्दिरलगायतमा साजसज्जाका कार्य भइरहेको हनुमानढोका दरबार क्षेत्र संरक्षण कार्यक्रमका कार्यक्रम प्रमुख रोशनमान शाक्यले जानकारी दिनुभयो ।
साथै, इन्द्रजात्रामा कुमारी, भैरब र गणेशका रथ परिक्रमा हुने बाटोमा मर्मत कार्य भइरहेको जानकारी पनि दिनुभयो ।
भदाै २४ गतेबाट शुरु हुने रथयात्राको लागि रथमा आवश्यक मर्मत सम्भारकाे काम भइरहेकाे जानकारी इन्द्रजात्रा व्यवस्थापन समितिका अध्यक्ष गौतम शाक्यले जानकारी दिनुभयो । याे जात्रा भदाै २९ गते समापन हुन्छ ।
भाद्र २२ गते बिहानको शुभ साइतमा इन्द्रध्वज (यःसिँ) उठाएपछि विधिवत् रुपमा शुरु हुने जात्रा २४ गते इन्द्रजात्राका दिनमा राष्ट्रपति, उपराष्ट्रपति, प्रधानमन्त्री, राष्टियसभाका अध्यक्ष, प्रतिनिधिसभाका सभामुख र विदेशी कुटनीतिक नियाेगका अतिथिहरूलगायत उच्च पदाधिकारीहरु जात्रा अवलोकन गर्ने परम्परा रहिआएको छ ।
