यसको अर्थ स्पष्ट छ, सुहानाको होम प्रोडक्सन फिल्म ‘भगवत् गीता’ अब वैशाखमा आउनेछैन । त्यसको ठाउँमा सुहानाले आफ्नै कम्पनीबाट वितरण हुने फिल्मलाई भगवत् गीताको ठाउँमा रिलिज गर्ने पक्कापक्की भएको छ । उक्त मितिमा बुलाकी मात्र रिलिज हुने एक्लो फिल्म होइन । जारी, नाइँ नभन्नु ल, प्रसाद २ र बिहे पासले पनि रिलिज मिति तय गरिसकेका छन् । बुलाकीको घोषणाले रिलिज भिडन्त झनै पेचिलो बन्ने स्पष्ट संकेत देखिएको छ ।

बुलाकीले रिलिज मिति घोषणा गरेको यो तेस्रोपटक हो । यसअघि पनि ठूला फिल्म जुध्न आएपछि फिल्मलाई सारिएको थियो । डोल्पा, जाजरकोट र रुकुमका विभिन्न स्थानमा छायांकन गरिएको यो फिल्मलाई लक्ष्मण सुनारले निर्देशन गरेका हुन् ।