शाहरुखकी बालसखा थिइन् अमृता सिंह : पहिलो फिल्मबाटै स्टार बनिन्, १२ वर्ष कान्छा सैफसँग बिहेपछि छोड्नु पर्‍यो इन्डस्ट्री

‘चमेली की शादी’, ‘मर्द’, ‘सूर्यवंशी’ जस्ता उत्कृष्ट फिल्ममा अभिनय गरिसकेकी अमृता सिंह आज ६५ वर्षकी भइन् । अमृता एक प्रतिष्ठित परिवारकी थिइन्, त्यसैले उनलाई फिल्ममा आउन सङ्घर्ष गर्नुपरेन । सन् १९८३ मा पहिलो फिल्म बेताब सहजै पाइन्  तर उनले जीवनमा धेरै ठुला निर्णयहरू लिनु परेको थियो । करियरको सुरुवातमा उनको नाम विवाहित सन्नी देओलसँग जोडियो । आमाले सम्झाएपछि पनि सम्बन्ध कायम राखियो । त्यसपछि उनले आफूभन्दा १२ वर्ष कान्छा सैफ अलीसँग विवाह गरेकी थिइन्, ती व्यक्ति जो त्यति बेला फिल्ममा आउन सङ्घर्ष गरिरहेका थिए । करियरको उचाइमा रहे पनि वैवाहिक जीवनका लागि फिल्म छोड्नु उनको जीवनको दोस्रो ठुलो निर्णय थियो । उनले दुई सन्तानलाई एक्लै हुर्काइन् र त्यसपछि फिल्ममा फर्किन् । ९० को दशककी शीर्ष अभिनेत्रीले आमाको भूमिकामा पुनरागमन गरिन् ।

आज अमृताको जन्मदिनको विशेष अवसरमा उनको जीवन र यससँग सम्बन्धित धेरै ठुला निर्णयबारे जानकारी लिऔँ

ठुलो खानदानकी हुन् अमृता सिंह

अमृता सिंहको जन्म ९ फेब्रुअरी १९५८ मा पन्जाबको एक सिख परिवारमा भएको थियो । उनकी आमा रुख्साना सुल्ताना मुस्लिम थिइन्, जो आफ्नो जमानाको एक प्रसिद्ध राजनीतिज्ञ थिइन् । उनले सञ्जय गान्धीको नसबंदी अभियानको नेतृत्व गरेकी थिइन् ।

अमृताका बुवा शिविन्दर सिंह विर्क आर्मी अफिसर थिए । अमृताका जिजु बुवा शोभा सिंह नयाँ दिल्लीका प्रख्यात बिल्डर थिए । उनका जिजु बुवाकी कजिन बेगम पारा थिइन् । उनले दिलीप कुमारका दाइ नासिरसँग विवाह गरेकी थिइन् । यस्तोमा अमृता, बेगम पारा र दिलीप कुमारकी आफन्त हुन् ।

शाहरुख खानको बाल्यकालकी साथी हुन् अमृता

अमृता सिंहकी आमा रुखसाना र शाहरुख खानकी आमा लतिफ फातिमा खाना दुवै कांग्रेससँग आबद्ध थिए । यी दुईको राजनीतिक सिलसिलामा राम्रो दोस्ती भयो । अमृताले मोर्डन स्कुल पढिन् जहाँ शाहरुखकी दिदी शहनाज पनि पढ्थिन् । पारिवारिक सम्बन्ध भएकोले अमृता र शाहरुख बाल्यकालका निकै मिल्ने साथी थिए । एजेन्सी