धनगढी , साउन २५ गते।शुक्रवार राती कैलाली कारागारमा भएको कैदी बन्दी बीचको झडपमा एक जनाको मृत्यु भएको छ भने ४९ जना घाईते भएका छन् ।
जिल्ला प्रहरी कार्यालय कैलालीका प्रवक्ता प्रहरी नायव उपरिक्षक राजकुमार सिंहले दिएको जानकारी अनुसार कैदी बन्दीबीच भएको झडप हुँदा धनगढी उप महानगरपलिका ४ का भरत चौधरीको मृत्यु भएको छ । चौधरी लागुऔषध मुद्धामा कारागारमा थिए । झडपमा ४९ जना घाईते भएका थिए । घाईतेहरुको सेती प्रादेशिक अस्पताल धनगढीमा उपचार भइरहेको अस्पतालका मेडिकल सुपरिटेण्डेण्ट डा.हेमराज पाण्डेले जानकारी दिनुभयो । घाइते मध्ये कैलालीको गोदावरी २ का आयुष भट्टलाई थप उपचारको लागि काठमण्डौ लगिने भएको छ । १५० जनाको क्षमता भएको यो कारागारमा करिब ७०० जना कैदीबन्दी रहेका छन् ।
प्रहरीका अनुसार ब्लक ए मा रहेका कैदीबन्दीको समूहले ब्लक बी मा रहेका कैदीबन्दीमाथि राति अन्धाधुन्ध आक्रमण गरेका थिए । स्रोतका अनुसार ब्लक ए बाट बी मा प्रवेश गर्न वर्षाैँ पहिले बनाइएको ढोका इँटाले टालिएको थियोे । इँटाले टालिएको सोही ढोका कारागारभित्र रहेका जिमखानाका सामानले फुटाएर उनीहरू ब्लक बी मा प्रवेश गरेका थिए ।ब्लक बी मा रहेका अधिकांश कैदीबन्दी निदाएको अवस्था थियो । उनीहरूले त्यहाँ रड, खुकुरी, चक्कु, इँटालगायतले अन्धाधुन्ध आक्रमण गरेका थिए । ब्लक बीमा सुतेकाहरुलाई आफ्नै ब्लकमा लिएर उनीहरुले कुटेका थिए ।
यस अघि असार २८ गते कैदी बन्दीबीच हिँसात्मक झडप हुँदा नाइके खगेन्द्र बोगटी गम्भीर घाइेत भएका थिए । जेलर बसन्त खत्रीले मनोमानी गरेको भन्दै विरोधमा उत्रिएका कैदी बन्दले जेलर विरुद्धमा नाराजुलुस गरेका थिए । साउन २२ गते राती भएको हिँसात्मक झडप पछि कैलाली कारागार कैदी बन्दीले नियन्त्रणमा लिएका छन् । घटनापछि प्रमुख जिल्ला अधिकारी गोगनबहादुर हमाल र प्रहरी प्रमुख एसपी बालनरसिंह राणा कारागार जान सक्ने अवस्था थिएन । कारागार स्थलगत निरिक्षण गर्न नसकेपछि प्रमुख जिल्ला अधिकारी गोगनबहादुर हमालको कार्यकक्षमा सुरक्षा समितिको बैठक बसेको थियो । बैठकले सहायक प्रमुख जिल्ला अधिकारी किरण जोशीको संयोजकत्वमा पाँच सदस्यीय छानविन समिति गठन गरिएको छ । अन्य सदस्यहरुमा नेपाल प्रहरीका डीएसपी राजकुमार सिंह, सशस्त्र प्रहरीका डीएसपी जनकराज पन्त, अनुसन्धान अधिकृत दीपेन्द्र सिंह र जिल्ला प्रशासन कार्यालयका प्रशासकीय अधिकृत शिवराज जोशी सदस्य सचिव रहेको छानबिन समिति बनेको डीएसपी राज कुमार सिंहले जानकारी दिए ।उक्त समितिले घटनाको कारण पत्ता लगाएर १० दिनभित्र प्रतिवेदन दिनुपर्ने कार्यादेश राखिएको छ ।
यस्तै शुक्रवार राती भएको कैलाली कारागारमा भएको घटनाको मानव अधिकार आयोग सुदूरपश्चिम प्रदेश कार्यालयले गम्भीर लापरबाही भएको औंल्याएको छ । मानव अधिकार आयोगको टोलीले कारागार कार्यालयको निरीक्षण गर्दै कारागार प्रशासन र फितलो सुरक्षाका कारण कारागारभित्र हिंसात्मक घटना भएको जनाएको छ । मानव अधिकार आयोग धनगढीका प्रमुख प्रकाशदत्त भट्टले घटनापछि शनिबार दिउँसो कारागारको निरीक्षण गरिएको बताए । निरीक्षणका क्रममा कारागार प्रशासनका प्रमुख विदामा भएको कारण समन्वयको अभाव, आन्तरिक सुरक्षामा लापरवाही,क्षमता भन्दा बढि कैदीबन्दी र कैदीबन्दीको स्थान्तरण पारदर्शी हिसाबले नभएको लगायतका कारणले घटना हुन पुगेको देखिएको बताए । यसबारे सुरक्षा निकायका प्रमुखसँग गृहमन्त्री रशेम लेखकले पनि सुरक्षा निकायका प्रमुखसँग छलफल गरेका छन् ।
घाईतेहरुको नामावली
१.जिवन खत्री गोदावरी न.पा. ९ कैलाली (लागु औषध खैरो हिरोइन), कैदी
२. रोशन शाही, धनगढी उ.म.न.पा. ५ कैलाली लागु औषध (खैरो हिरोइन) कैदी
३. जनक देउवा, धनगढी उ.म.न.पा. ५ कैलाली, कर्तव्य ज्यान, थुनुवा
४. नविन नाथ, गौरिगंगा न.पा.–७ कैलाली, कर्तव्य ज्यान, थुनुवा
५. शरद चौधरी, धनगढी उ.म.न.पा. ५ कैलाली, लागु औषध (खैरो हिरोइन), कैदी
६. नरेश राना, धनगढी उ.म.न.पा. १३ कैलाली, लागु औषध (खैरो हिरोइन) थुनुवा
७. वसन्त खत्री, धनगढी उ.म.न.पा. ८ कैलाली, लागु औषध (खैरो हिरोइन) थुनुवा
८. भरत चौधरी, धनगढी उ.म.न.पा. ४. कैलाली, लागु औषध (खैरो हिरोइन) – कैदी
९. राम निवास राना, धनगढी उ.म.न.पा. १० कैलाली, लागु औषध (खैरो हिरोइन) कैदी
१०. कर्ण सलामी मगर, मोहन्याल गा.पा. ३ कैलाली, जबरजस्ती करणी कैदी
११. अभिषेक चौधरी, घोडाघोडी न.पा. ५
१२. धिरज बम, बर्दगोरिया गाउँपालिका–१
१३. मेकेन्द्र गिरी, त्रिवेणी न.पा. ८ बाजुरा, लागु औषध खैरो हिरोइन) थुनुवा
१४. रन्जित सिंह लखिमपुर कवेरी, भारत, डाँका चोरी कैदी
१५. निरज जैशी, जानकी गा.पा. ९ कैलाली लागु औषध (खैरो हिरोइन) कैदी
१६. जगदिश राना, धनगढी उ.म.न.पा. १० कैलाली लागु औषध (खैरो हिरोइन), कैदी
१७. हिमाल राना, धनगढी उ.म.न.पा. ८ कैलाली, लागु औषध खैरो हिरोइन) कैदी
१८. वल राना, धनगढी–५ फैलानी
१९.हर्क गिरी, धनगढी उ.म.न.पा. १८ कैलाली, चोरी कैदी
२०. जनक भण्डारी, लम्कीचुहा न.पा. १० कैलाली, चोरी कैदी
२१. किशोर खडायत, भिमदत्त न.पा. ८ कञ्चनपुर, सहकारी सम्बन्धी, कैदी
२२. अमित भुल, टिकापुर न.पा. १ कैलाली डाँका चोरी, कैदी
२३. कल्पेश विष्ट, टिकापुर न.पा. १ कैलाली, डाँका चोरी (कैदी)
२४. दिपक खत्री गोदाबरी न.पा. १० कैलाली कर्तव्य ज्यान, कैदी
२५. दिनेश साउद, लम्कीचुहा न.पा. १ कैलाली
२६. रवि चौधरी, धनगढी उ.म.न.पा. ४ कैलाली लागु औषध (सौरो हिरोइन) कैदी
२७. अंकित बानिया, लागु औषध (स्खैरो हिरोइन। कैदी, पालिनन्दन गा.पा. १ नवलपरासी
२८. सिद्धार्थ बडेला गोदाबरी न.पा. ९ कैलाली, लागु औषध (खैरो हिरोइन) थुनुवा
२९.बिवेक चौधरी, लागु औषध खैरो हिरोइन। कैदी, जोशीपुर गा.पा. १, जवरजस्ती करणी
३०. मनिष चौधरी, कैलारी गा.पा. ८, कैलाली, कैदी
३१. गौरब बम, शुक्लाफाँटा न.पा. ८ कञ्चनपुर, लागु औषध खैरो हिरोइन)
३२. विवस चौधरी, घोडाघोडी न.पा. ०३, कैलाली, ज.ज.क. थुनुवा
३३. शिव थापामगर, टिकापुर न.पा. ०१, कैलाली लागु औषध (खैरो हेरोइन) थुनुवा
३४. अर्जुन खड्का, धनगढी उ.म.न.पा. १३ कैलाली लागु औषध (खैरो हिरोइन), थुनुवा
३५. पुष्पेन्द्र रानार लखिमपुर खिरि वनगाउ ६ भारत, लागु औषध
३६. नरेन्द्र घरेडी कैदी, डिलासैनी गाउँपालिका–२, बैतडी
३७. देवेन्द्र सिंह, जानकी गाउँपालिका–२ कैलाली जजक कैदी
३८. सन्जु दमाई बर्दगोरीया गा.पा. ३ कैलाली, जजक कैदी
३९. विरेन्द्र चौधरी, गोदावरी न.पा. ०१. कैलाली लागू औषध जवरजस्ती करणी, थुनुवा
४०. मान बिर चौधरी, धनगढी उ.म.न.पा. ८ कैलाली लागु औषध कैदी
४१.मिलन चन्द, धनगढी उ.म.न.पा. ५ कैलाली, ज्यान मार्ने उद्योग, युनुवा
४२. बिर बहादुर विष्ट (लागु औषध खैरो हिरोइन), कैदी
४३.आयुश भट्ट, गोदावरी न.पा. २ कैलाली
४४. एकेन्द्र भाट, धनगढी उ.म.न.पा. ६ कैलाली, सवारी ज्यान (कैदी)
४५. सुरेश राना, पुनर्वास न.पा. १ कञ्चनपुर, लागु औषध (खैरो हिरोइन) थुनुवा
४६. विषेश नाथ योगी, धनगढी उ.म.न.पा. ९ कैलाली लागु औषध (खैरो हिरोइन) कैदी
४७ . पंकज चौधरी, धनगढी उ.म.न.पा. २ कैलाली लागु औषध (खैरो हिरोइन) कैदी
४८. मिन बहादुर विष्ट, अमरगढी न.पा. ०४, डडेल्धुरा
४९.सुरेन्द्र बम, गोदावरी न.पा. ०८, कैलाली ( लागु औषध खैरो हिरोइन)थुनुवा
